 |
ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ "...Выжыё уго
|
|
|
МЕДАЛЬКыӵе со — дышетскем понна медаль?Адӟылэмзы ӧвӧл бускельёслэн. Шуо: - Зэмзэ ик азвесьлэсь меда? Шуо: – Тон уть ай, тэчонтэк вылэм. Югыт азьын бергатыса учко, Жингыр кушто но куаразэ кылзо... Шуо: - Ӟучсэ ми ваньмы тодӥськом. Тынад нош немецен но-а кыл зол? - Ма, дышетским. Экзаменэз сётим... Нош ӝӧк сьӧрысь синъёс кескич учко: – Пие, фрицез ассэ мон дышетӥ, Ачим нош «хендэ хох!» гинэ тодско... Кутско ни быронтэм вераськонъёс – Секыт аръёс я туннэез сярысь. – Котьма ке но,— шуо иськавынъёс, – Медаль со... валамон... уг усь инмысь. – Пие, я вай учко,— вазе пересь нэнэ, – Оло, покчи пие но басьтысал... Коть одӥгез ожысь ке бертысал, Медальёссэ ялан маяллясал. Вить пи будэтэме понна гинэ Медаль кылле сандыкелзн пыдсаз... Коркан чалмо. Пересь пала учко. Шудо анай нош дыртыса вазе: – Чай лэзьяны… мон весь вунэтӥсько… Тӥ юэлэ на… Юэ… Эмезен… |
© irinaewdo |