ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                   Кам шурлэн ӝужыт ярдуръёсаз
                                   Мытомы нёжмыт кырӟанъёсмес.
                                   Тулкымъёс, шукрес пужалскыса,
                                   Ярдуре шуккиськозы шимес.

                                   Яр борды соос пазьгиськозы —
                                   Бамъёсмес нюромытоз ву пызь.
                                   Крезьгуръёс каллен сэрттӥськозы
                                   Сэректӥсь но шугъяськись сюлмысь.

                                    Пилемъёс инэз ӝокатӥллям,
                                    Шундылы укно кельтӥллямтэ.
                                    Кырӟан гур тэля, тэля, тэля,
                                    Сюлэмез тыл бурд музэн сутэ.

                                    Пилемъёс бугыръясько инмын,
                                    Лек сильтӧл тулкымъёсты туга.
                                    Нош сюлэм ӝожмыт кырӟан ӝуын
                                    Сутскыса, чылкытаса буйга.