(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





БЕРПУМЕТӤ ЛЫМЫГЫРЛЫ
Лымыед ай вань гинэ пужым ягын.
Сяськаез курдатымтэ пурысь лымы!
Жингыртэ лымыгырлы нюлэс дурын.
Вай кылзом.
Оло, маке валаломы.
Вордӥське бусӥр сяська лымы улын.
Со — улӟись мулэн тулыс пальпотонэз.
Нош малы ӝожмыт тусо лымыгырлы?
Кытчы-о тӧлӟем пинал шумпотонэз?

Со огназ куинетӥзэ ни тулыссэ
Чимызэ усьтэ сайкась нюлэскамы.
Со утча, утча бусӥр сузэръёссэ,
Соосыз нош
Кемалась ни ишкамын.
Калыкъёс нош лымы ул сяськаослы
Весь лыкто, лыкто, лыкто, лыкто яге...
Жингыртэ берпуметӥ лымыгырлы —
Ӝож гурез
Быдэс дунне тыр шуккиське.