(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





– Нош мар кулэ, шудо луон понна?...
– Мед вордӥськоз вылез шулдыр ӵукна;
Кӧт сюмаса витем колӟо сямен,
Мед питырскоз шунды чылкыт инме.

– Нош мар кулэ, шудо луон понна?...
–Ӟеч емыштэм медаз луы нунал.
Выль удыслы ӝутӥськыны юрттэт
Котьку ик мед сётоз пӧсям вуэд.

Нош мар кулэ, шудо луон понна?...
– Медаз дырты тём акшанэд тынад
Котьку ик но ӝыт пал малпанъёсы
Мед чилектоз одӥг ке но тылси.
 
–Я, мар кулэ, шудо луон понна?...
– Уйшор уе медад луы огнад.
Маке ӧз лу на – мед оскод! – луоз,
Маке ӧз ву на – мед тодод! – вуоз.