(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





     ГУЖЕМ ОРТЧИЗ

Толйись гондыр выллем,
Мылпотытэк
Инмын берыкъяське на гудыри.
Гужем ӵоже тыршиз шутэтскытэк,
Нош сӥзьыл пал кужмыз, вылды, быриз,

Гужем сярысь со котькинлэсь йӧнгес
Быдэс шаер тыр ивортӥз шара.
Нош табере
Шӧдэм куар усёнэз.
Жадем ке но.
Выль иворез вера.

Гужем кылиз ӟольгыри ныр кузьда.
Нош кӧня ужъёсыз ай лэсьтымтэ!
Оло, сонн ик час но уката
Дыртэ.
Адямиез но дыртытэ.

Лыз пуртыяз-инмаз уг ни ӵыжа,
Ӵошатсконын келя ини шунды —
Ялан бергес пота ни ас ужаз...
Солэсь ӟечгес
Шунтэ выль нянь колды.

Выль нянь понна
Зоро гудырилы,
Лудлы но
Шундылы тау кариськом.
Ум ушъяськиське: ми но гыримы!
Лачмыт гинэ
Няньмес ми шориськом.