Люкытэсь на гостиницаос! _
Лыктэмъёс нош — ӧй-ёй — кыдёкысь,
Ӵукнаозь пукозы ни соос.
Пукыса нош, тодмо, трос уд изь.
Нош ӵукна - заводэ, уж дуре,
Шуомы, шур сьӧры пуксемаз.
Нош завод — аслэсьтыз со дуре,
Кин ке вань-а отын но возьмась?.,
Та витись черодэз адӟыса,
Мон таӵе малпанэ вуылӥ :
Бамелэсь ӝуамзэ шӧдыса, -
Пыд улам учкыны тыршылӥ...
Нош тани заводэн пумиськон.
Ӵап — куно!
Мар меда вералоз?
Калыкты, пе, _зарни.. Паймымон!
Куноез но, шуэ, гажало.
Малпаса кунокуа черодэз
Юасько:
– нош кызьы кӧлтӥзы?
Кылӥсько:
Ужасьлы дуногес
Уж дурын сюлэмзэс усьтэмзы.
Тани мон кыдёкысь вуэмын.
Мурт понна-а уждэ ӝегатод?
Нош соос — родняос кадь мыным:
Возьмато, валэкто, дышето.
Нош валес?..
Шедьтӥзы, пе, валес!
Кузь уез пуконын ортчымтэ.
Нош инты — мар отын, пе, вылез
Нокытын но уг луы тырттэм.
...Люкытэсь на гостиницаос.
Валасько мон сое —- мар карод.
Калыкмес ушъяло куноос.
Син азям нош
Сылэ кузь черод.
