 |
ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ "...Выжыё уго
|
|
|
|
СЮАНЪЁС Трос сюанъёсы ветлӥд,Бадӟым улонэз адӟид. Удмурт калык вера Сюанэ-а? Сюанэ мон ветлылӥ. Эктыса Выж пулъёссэс но чигылӥ. Сюанъя ке, Шудолэсь но мон шудо — Соизлы но, Таизлы но Мон кудо. Нырысьсэ-а? Нырысьсэ но тодӥсько... Ми пичи на. Апаймес ми сётӥськом. Кырӟаса лыкто, Лыкто сюанчиос. Юрт азьын Бызьылӥськом ми — пичиос. Нош кин ке но Тӥр, сюрло, кусо сётӥз: — Ӧс азьын ик Айда ужалэ етӥз!.. Тыршимы! Урам тырос вазиз жин-жан! «Люкетӥсь куноослэсь» Курим салам... Сюанэз мон - Верасько ук! – адӟемын: Трос эшо но Элтошо мон Адями. Соосты мон Лулысь-сюлмысь паръялляй, Жӧк сьӧрын но, Возь вылын но Кырӟалляй. Верасько ук, Эшъёсы мынам уно. Улэмъя нош Выль корка ни ӝутоно. Нош тӥре мынам — Я чакла ай — Лэчыт. Дыр сярысь ке верано, Шеде ӵук-ӝыт. Собере ни — Валамон! — корка сюан. Егитъёс ни Выль юртын пыжо табань. Утялто ни Нылъёсты пиос Усто. Нош нылъёс Вань табаньзэс, ява, суто. Бен, кылдӥз Сюанъёсын юмшалляны! Нош милем Пӧрасеным-зарниеным Одӥгез Тужгес дуно Корка сюан: Нырысьсэ Отын Шори сиим табань... Собере нош... Собере — ма веранэз! - Семьяос Витё ини бӧрдӥсьёссэс. Озьыен, Сояз Яке таяз коркан Жингыртоз ини ӝоген Нылпи сюан. Нош тани Казакпиос ини будо. Иське, нош ик Кинлы ке Луо кудо! © irinaewdo |