(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Нош ик ветлоно вал Салихе!
Нош бергатысал бигер эктон.
Ӝыны клуб потэ ни ке круге,
Сэрегын мӧзмыт пуко-а мон?!

Бигер ныл мыным кырмыштысал—
Синкашъёс, оло, ваёбыжъёс! —
Со сьӧры ӧрзи кадь лобӟысал,
Жаль, эктон тани-тани быроз.

Мон нимзэ уг тодӥськы солэсь,
Пумиським ай нырысетӥзэ.
Нош Салих вадьсын сыӵе толэзь!
Юатэк тодод ныллэсь нимзэ.

Меӵкытоз со:
«Тодмотэм гуртын
Тон сюрес шедьтод-а, ар малай?..»
Зэм, йыромысал, оло, отын,
Нош ныллэсь малпанъёссэ валай.

Ой, кыӵе матын ымдуръёсыз,
Ой, кыӵе кескич шорам учке!..
Отӥзэ уд вера кылъёсын...
Нош ик ветлоно зал Салихе!

Ар малай (бигер кылын) — удмурт пи.