(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Пытсэтэ шедем
Ранӟытэм пӧйшур кадь,
Уйбыт со ветлӥз
Укноысь укное.
Нош инмысь кисьтэ
Чылкак шур кадь, шур кадь.
Сьӧдэзгес пилем
Юлтошсэ уе.

Уйбыт тӧл ӧз чалмы,
Уйбыт тол вузӥз.
Нош золгес бӧрдйз
Адями сюлэм.
Ӝыныез ю-нянь
Кеносэ вуиз,
Кылемез ю-нянь
Бусыын кылле.

Та инкуазь урмем ке,
Адями — шонер-а?!
Шат сисьтон понна
Будэтӥз юос?!
Оло нош, нокин но
Чурыт кыл уз вера,
Нош ассэ —
Могаз ке! —
Котьку пыкылоз.