(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





       БАРАБАНЩИКЪЁС

Шундыез сайкато барабанщикъёс,
Вазь ӵукна сайкато улосэз.
Сэзь пияш дымбыр-йыг! Барабан
шуккоз,
Огинэ люкалоз эшъёссэ.

Галстуксэс но, данзэс но ӧз
сапталэ
Атайёс, агайёс, апайёс.
Соослэсь ик адӟем карыса, туннэ
Туж йыгмыт вамышто пиналъёс.

Адӟиськод-а, ортчо барабанщикъёс,
Лыдъяло кадь дано аръёсыз.
Барабан шуккисьёс— азьпалан соос,
Бӧрсязы вамышто зшъёссы.

Горд шунды но, бадӟым барабан
выллем,
Вазь ӵукна инбаме питыра,
Ӟеч ужъёс-вормонъёс сярысь
ваньмылы
Мыняса выль ивор со вера.

«Котьку дась!» –кыл сётэ пионерия,
Комсомол кадь, со котьку маршын.
Азьлане, азьлане, азьлане гинэ
Дышетскон. удысын но ужын.

Азьпалан нош ялан барабанщикъёс–
Чырмытэсь пиналъёс азьпалан.
Тон но, тон но соос кадь ик вамышъя,
Эшъёстэ но тон валты азьлань!