ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                  Мон юай:                                         
                                                   —    Кытын тон улӥськод?
                                                   Куаштыртӥз:                             
                                                    —   Нюлэскын будӥсько.
                                                   Мон — бадяр, кызьпулэн туганэз.
                                                   Липетэн тон уд ӵокса монэ.

                                                   Мон юай:
                                                    —    Кытчы тон дыртӥськод?
                                                   Жильыртӥз:
                                                    —    Кам шуре бызисько
                                                    Мон — ошмес, вордӥськи тэль кушын,
                                                    Музъемлэсь басьтӥсько мон кужым...

                                                    Мон ачим но вордски нюлэскын,
                                                    Бадярен, ошмесэн агай-вын.
                                                    Лыз мынам но инбам-липетэ,
                                                    Ошмес кадь ик пазьги ӵыпетэз.

                                                    Мынӥсько мон, азьлань мынӥсько,
                                                    Нош ялан азьпалан инвисэ.
                                                    Бызисько, бызисько, бызисько
                                                    Кыдёкысь, кыдёкысь зарезе.