(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





              АГАЙ-ВЫНЪЁС

Бигер пи кутоз жингрес арган,
Вӧл-вӧл  кисьтӥськоз «Кара урман»,
Чуваш ныл но эшъёсыз понна
Кырӟалоз ни: «Кай, кай Ивана».
Кылзомы порез но башкирез.
Мон мыто «Лымы тӧдьы» гурез.
Сюлэммес усьтом кырӟанъёсын. –
Ог-огмес шуом: агай но вын.
Бен, братъёс — асьме калыкъёсмы.
Ӟуч калык— эшмы но агаймы.
Эшлыкмы ожын кыдатэмын,
Уж дурын сое ми бурдъямы.
Трос пӧртэм кылын кырӟанъёсмы,
Нош яратонмы одӥг — Россия.
Бен соин уг безды но уг сӥя
Калыкъёс куспын эшъяськонмы.