 |
ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ "...Выжыё уго
|
|
|
|
КЫРӞАСЬ ПУЖЫОС
Дышетскы пужыятскыны, нылаш! Мед кырӟалозы буёлъёсыд, Мед пазьгиськозы шыркунъёсыд Мумидлэн кузьмам кышет вылаз. Мед пазьгиськозы, паймытозы. — Киосыд зарни, — шуоз калык. — Кинлэсь ай тон дышетскид, нылы? Уноез шара юалозы... Кинлэсь ай тон дышетскод, зэмзэ? Усьты сандыксэ ӵужанайлэсь. Валаны тон тыршы киужлэсь Вуныны кутскем лушкем кылзэ. Кускерттон, шобрет яке ныпъет Бордазы кыско пужыосын. Чеберлы ортчем та аръёсы Кузь улон сётэм чужанаед. Та ворпо-чибор пужыосты Кӧняез — тон лыдъя ай — басьтэм: Котькудӥз чукъёс тани кельтэм Ӝуткаса куэм ковер борды. Котькудӥз пужы вера, кырӟа, Оскытэ чебер нуналъёслы, Дан вера вордскем музъеммылы, Ортчемзэ ӵуказеен герӟа. Нош али, туннэ улонамы, Шат Чебер мултэс ини луиз? Яке кытсь ке но палэнысь Мурт лэсьтэмъёссэ витиськомы? Пужъятскон – со Чеберез вордон. Дышетскы пужыятскыны, нылаш. Бубидлэн утем музъем вылаз Чебергес луоз соку улон. © irinaewdo |