(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Тӧдьыослэн тросгес вал штыкъёссы,
Ожмаськыса весь чигназы гордъёс.
Тэль сьӧрысен шуиз командирзы: —
Сылом! Яке окоп шайгу луоз.

Татысь музъем котмиз соку вирен,
Нош вырйылэ горд флаг дано ӝутскиз.
Гуртысь калык соин ик ож бере
Та интыез «Горд окопъёс» шуиз...

 Вырйыл турын-куарен ни согемын,
Нош калыкын уг вуно со ожъёс.
Туннэ но улыны но вормыны
Горд флаг сямен ӧтё, юртто
Горд окопъёс.