(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





         ШТЫК
Вань штыкез автоматлэн.
Нош малы-о со кулэ?

Туж усто маке со —штык!
Бышкись ез ке тон азьын,
Штыкеныд со езъёсты
Вандылод... тани тазьы.

Туж кулэ маке со —штык:
Патронтэк кылид ке, тод —
Эрказмем тушмонъёсты
Штыкеныд пумиталод.

Туж матысь эшмы со —штык;
Быримы ке лек ожын,
Вынлыко шайгуосты
Штыкъёсын ик гудӟозы.

Вань штыкез автоматлэн.
Солдатлы со туж кулэ!
Нюлэскын шулан гумы но
Со штыкен ик ӵогисько.
Жингыртӥсь чипчирганме но
Штыкеным ик лэсьтӥсько.