(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Будённовкамес, шашкамес
Музеямы сётом.
Ож пыр потэм погонъёсмес
Стекло улэ ватом.

 Кирка ваём Магниткаысь,
Целинаысь — культо.
Музеямы асьме ГЭС-ысь
Электротыл пыртом.
Яркыт комсомоллэн данэз,
Ми со сярысь мадём.
Ваём дуно орденъёсмес,
Кырӟанъёсмес ваём.
Нош ӟырдытэсь сюлэмъёсмес

Ум сётэ музее —
Ми подвиг лэсьтыны дасесь
Туннэ но ӵуказе!