 |
ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ "...Выжыё уго
|
|
|
|
УРДО Улвайысь вырӟе тылобурдо,Курдаса палэнэгес лобӟе. Тон но кышкаськод, сюрсо урдо, Тон но выриськод тужгес керӟег. Вешасал тонэ, мусоясал, Сюдысал небыт беризь куарен. Кызьы ке огпол кышкатыса, Кин-о оскисьтэм тонэ карем? Тон астэ уд лэзь нуныяны — Валасько тонэ мон, валасько: Котькинлы мултэс оскеменым Мон ачим но пушнераськисько. Нош тонэ уг сёт обидьыны, Утялто кескич кучыранлэсь. Тон — мынам пичи мусо выны, Кыкмылэн ик гажанмы — нюлэс. Адямиослэсь тон, урдое, Ноку но эн мурта — курисько. Ӟеч сюлэмъёслы мон, мусое, Сьӧд кайгу дыръя но оскисько. © irinaewdo |