(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





МАЛПАН СЬӦРЫ

Поездъёс, адямиос кадь, весь дырто,
Нюлэсъёс пыр, бусыос пыр дыбырто.
Пиослы кельшем, лэся, чугун сюрес
Сак кылзо питранъёслэсь лыдъяськемзэс.

Нокытчы пиос уг кошко ализэ,
Шонало соос чернилаесь кизэс.
Малпанзы бен вагонэ кечыртӥське,
Кыдёкысь шаеръёсы ӝоггес кошке...

Поездъёс мыно сьӧрлось шаеръёсы,
Дыртыса нуо пинал малпанъёсыз.
Дыртыса будо нылъёс но пияшъёс
Малпанзэс, дыр, уйыны дырто соос.