БЕРТОН
Берто пиос. Бен, армиысь берто пиос
Анай, дасяд-а мусурдэ?
Берто лудэ но заводэ ужась киос,
Сюлэм доры сюлэм бертэ.
Пияшъёслы-ӧрӟиослы кызь кык арес,
Нош даурлы ини эшъёс.
Сюлэмазы яратонзэс но мӧзмонзэс
Ваё соос, ваё соос.
Атайёсмес пумитанэз котькин тодэ:
Кинлы — кырӟан, кинлы — синву.
Дано вормон соку лыктӥз тулыс гуртэ,
Нош атае гуртэ ӧз ву.
Ӟечен-бурен пумитаськод пидэ, анай,—
Малы-о синвуэд потэ?
Ас киыныз шудэз-бурез лэсьтон понна,
Шудмес утись солдат бертэ.