(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Вырйылын оген сылӥсь писпу,
Нюлэскысь поттӥсь кужен сюрес
Улонам ке шуг-секыт сюре,
Малы ке тодэ лыкто котьку.

Паймисько паськыт зарезьеслы.
Нош нюкысь пичи гинэ ошмес —
Мон ачим уг валаськы, малы —
Дуногес батыр тулкымъёслэсь.

Нюлэсэз мон туж яратӥсько.
Улонам кулэ паськыт сюрес.
Нош куддыр юге ке шедисько,
Мусоя монэ  шуныт зарезь.

Нош кoтьку мыным кулэ, котьку
Вырйылын оген сылӥсь писпу,
Нюлэскысь поттӥсь кужен сюрес,
Мур нюкысь пичи потэ ошмес.