(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





ПЕРЕСЬ КЫЗ

           Вож пиналэз-а вешасько,
           Солы мон шуисько ни:
           «Ӟеч!
           Тыныд сюрес мон сётӥсько,
           Вылез улӟе, вужез пеньӟе».
                                  А.С. Пушкин.

Кӧс вайёс — инбамын.
Пересь кыз жадемын.
Со уг ворды ни лыс.
Чигемын ни йылыз.

Эх, кин ке лыктыса,
Сое мед бырйысал.
Эсьмаса, шунытэз
Шунтысал коркаез.

Кыз сылэ на, сылэ.
Нош югыт нуналэ
Погырто батырзэ
Пужымез я кызэз.

Кӧс вайёс — инбамын.
Пересь кыз лябӟемын.
Со пинал нюлэсэз
Уз   ни  уть   сильтӧллэсь.

 Ӟукыртэ, ӟукыртэ —
Пайдатэм, аналтэм.
Инбамын — кӧс вайёс —
Чонари вотэсъёс.

Малпасько мон туннэ,
Малпасько сое весь: —
Музъеме,
Уть монэ
Кыз сямен веканлэсь!