(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





ПУШКИНЛЭН КЫЛБУРЪЁСЫЗ
                  И. А. Радыгинлы

Мӧйы эше, одӥг нунал
Ойдо эшшо пумиськомы.
Поттом тыныд, мыным бокал —
Мед ӧръяськоз вераськонмы.

Тодско: кин ке сыӵе дыръя
Ӝоггес дася ни куртчонзэ.
Нош тон одӥг дышемедъя
Поттод ни Пушкинлэсь томзэ.

Тодско: жингыр вазёз кылбур.
Лыдӟом пни лӧптылыса.
-            Таӵе кылбур —, шуод,— шудбур,
Ӝутэ, ӝутэ ук бурдъяса.

 Шаер сярысь егит кырӟан
Воштоз пезьгыт ньыль чуръёсты.
-              Марӟан ук та, чылкыт марӟан!
Нош кӧня визь,— шуод,— татын!

 Пиналъеслы лыдӟонтэмзэ
Шедьтом   но   выльысь  чабкиськом.
Тон юалод:
-             Оло, зэмзэ
Тон Пушкинэз берыктӥськод?

Шуод:
— Тӥяд ке чуръёссэ,
Мон эш ӧвӧл ини тыныд! —
Юнматыса ас кылъёстэ,
Тон йыг! шуккод бодыеныд.

Уйшор уёзь ик пукомы,
Зарни чуръёс чузъяськозы...
Нош исамтэ чаркаосмы
Сиротаос кадь пукозы.