В. В. Романовлэн улонысьтыз но творчествоысьтыз пусъёс
1943 ар 1 август — вордскиз Татариысь Бавлы районысь Удмурт-Ташлы гуртын.
1964 ар — йылпумъяз Удмурт государственной институтлэсь историко-филологической факультетсэ.
1964—1965 аръёс — служить кариз Советской Армиын.
1965—1968 аръёс — Удмурт-Ташлы школаын удмурт кыллы но литературалы дышетӥз.
1968—1974 аръёс—«Дась лу!» газетын отделлэн кивалтӥсез луыса ужаз.
1974 аръёс — Удмуртиысь Писательёслэн союзазы литконсультант.
1977 ар — Удмуртиысь Писательёслэн союззылэн правлениезлэн тӧроезлы кивоштӥсе быръё.
1979 ар — Удмурт обкомысь литература борды няняськем сьӧд сюлэмъёс сое, «моральной обликсэ» ыштэмез понна, ужысьтыз кушто.
1961 ар —«Удмуртиысь комсомолец» газет нырысетӥ кылбурзэ печатлаз.
1967 ар —«Удмуртия» издательство «Мынам тулысэ» нырысетӥ кылбур сборниксэ поттӥз.
1968 ар — тодматскиз вуоно кузпалэныз Галина Романова кылбурчиен.
1968 ар — потӥз «Тыметын шунды» сборникез.
1970 ар — потӥз «Играй с нами» сборник.
1971 ар — вордскиз Володя пиез.
1973 ар — «Тӧдьы Кам» сборник.
1974 ар —«Белая Кама» сборник.
1975 ар —«Покчи гужем» сборник.
1975 ар —«Покчи гужем» кылбур книгаез понна Удмуртиысь комсомоллэсь премиза басьтӥз.
1975 ар — СССР-ысь Писательёслэн союззылэн членэз луиз.
1976 ар — «Покчи гужем» кылбур книгаез понна Удмуртиысь комсомоллэсь премизэ басьтӥз.
1977 ар — Москваын потӥз «Поющие узоры» кылбур книгаез.
1978 ар —«Шундыез сайкато барабанщикъёс» книга.
1978 ар —«Удмуртия» издательствоын потӥз «Поляна» сборникез.
1978 ар — быриз Ф. Васильев, В. Романовлэн пыд улаз музъем куашказ, улонэз йырин-чукин
луыса кошкиз.
1979 ар — «Жаворонок» сборник.
1979—1985 аръёс—В. Романовлэн улоназ самой секыт дыръёс. Сое ужысь улляло, нокытын уг печатласькы.
1985 ар — выльысь ӝужан дырыз, кыкетӥзэ кышнояське.
1985 ар —«Луд кеч салам» сборник.
1985 ар — Москваын потӥз «Гуслей звонкая струна» сборникез.
1987 ар—«Йырберыктон турын» сборник.
1990 ар—«Чебер мако бакчае» сборник. Кулэмез бере.
1988 ар — быдэс гужемзэ ужа «Удмуртия» издательствоын редактор луыса.
1988—1989 аръёс —«Дась лу!» газетлэн корреспондентэз.
1989 ар— быриз Е. Самсонов, атаезлэн ӵош будэм эшез, кыкетӥ юн шуккет.
1989 ар, 6 сентябрь — В. В. Романовлэн берпум нуналыз.
1983 ар—азьвыл Удмурт обкомлэн юртэз азьын, Ялан ӝуась тыл дорын, пичигес нюк вань, отын В. Романов тулыс шыд пӧзьтыса, пушнер бичаса улӥз.
1983 ар — та дано юрт азьын ик, кияз исьнер кутыса, солэсь изэн вӧлдэм азбарзэ ӵужыны ӧдъяз; В. Романовлы одӥг комната улон инты сётӥзы.
1983 ар — Ижевскысь Индустриальной районлэн одӥгаз ЖЭК-аз сантехник; кема ӧз чида — кошкиз.
1984 ар — Удмуртиысь госкомспортлэн инструкторез; кык толэзь ужаса нош ик кошкиз.
1986 ар—вань улонэз ӵоже самой дуно гонорар басьтӥз. Сарапулын пыдкутчан поттон фабрикаысь
ужасьёс дорын ӟырдыт вераськемез бере, кивалтӥсьёс солы американской кроссовка кузьмазы; арня
но нуллыса ӧз вутты — ыштӥз.
НОШ КУЛЭМЕЗ БЕРЕ:
1991 ар—«Йырберыктон турын» но «Чебер мако бакчае» сборникъёсыз понна пусъемын Удмурт Республикалэн Государственной премиеныз.
1992 ар — Удмурт Республикаысь егитъёсын ужанъя Государственной комитет Владимир Романов нимо литературной премия ялӥз.
Асьмелэн котьку озьы. Сыӵе, дыр, ни улон. Инмарен ӵошен кылдӥз ке, ало, куке-соку Романовлы памятник яке музей кылдоз.
«Инвожо» журналъя, №9 - 1993
