 |
ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ "...Выжыё уго
|
|
|
Семён Перевощиков Оскон мылкыдыз шумпоттытэВыль чуръёссэ гожтыкуз, кылбурчи ӵем дыръя уг малпаськы, луоз, вуоно произведениезлэн улон улон сюресэз сярысь. Сыӵе учыръёсы сое трос мукет сюлэмшугъяськонъёс курадӟыто. Аслэсьтыз мылкыдзэ возьматыны автор тужгес но кулэоссэ кылъёсты утча, тупасьёссэ ӵошатонъёсты эскере, татчыозь лёгымтэ вамышъёссэ лэсьтэ. Поэт вераны тырше солы огназлы гннэ кадь тодмо маке сярысь. Со оске, мукетъёс тае ӧз шӧдэ яке адӟытэк кылизы шуыса.Ваньзэ сыӵе малпанъёссэ бььдэстыны быгатӥз, пӧрмытӥз ке, солэсь кылбурзэ лыдӟись ачиз синйылтоз, шедьтоз. Озьы бере, шуыны луоз, та произведение улыны вордскемын. Map бен карод, нокыӵе ӟеч уж но пӧсятэк, кужымез сётытэк, ас эрказ уг лэсьтӥськы. Со понна бадӟым шумпотон вуэ лыдӟись доры но, aвтоp доры но. Нош Владимир Романовлэсь «Йырберыктон турын» сборниксэ адӟытэк кельтӥзы шат? Малы ке но отысь кылбуръёс сярысь вераськылэмзэс, кенешемзэс кылыны, шӧдыны ӧз кылды. Озьы умой ӧвӧл кадь. Книга потӥз бере, солы кыӵе ке дунъет сётыны кулэ. «35 коп.» шуэм вӧзы ушъям кылэз, оло нош, ӧжытак курламез но верано. Тужгес но али, удмурт кылмы сярысь сюлмаськон вакытэ, кылбурчиосмылэсь но ужамзэс син азямы возьыны тыршоно. Кин понна-о гожъяло соос? Авторез кема аръёс ӵоже тодыса вылысь но, выль книгазэ лыдӟыса, асэныз уката матынгес луиськод. Угось поэт тыныд, лыдӟисьлы, сюлэмзэ усьтэ. Кылбур чуръёсыз пыр со шуэ кадь: тани таӵе адями мон. Оглом учконо ке, быдэс сборник тырмемын калыклэн ӟеч сямъёсызлы, шудо улонэзлы осконэн. Сыӵе мылкыд зэмзэ но шумпоттытэ. «Йырберыктэн турын» сборниказ пыртэм кылбуръёссэ Владимир Романов куинь ёзлы люке. Озьы лэсьтэмаз лыдӟисьлы юрттэмез шӧдӥське. Куд-ог чуръёсы валантэмесьгес потӥзы ке, эн вунэты, пе, кӧня ке кылбуръёсты одӥг сузьетэ пыртыса верамме. Выжыед ке юн, My золгес кутэ,— нырысетӥ люкетсэ таӵе яркыт кылъёсын огазея автор. Озьы бере, лирической геройлэн улон сюрес вылтӥ йыгмыт вамышъямез потэ. Одӥгзэ бӧрсьы мукетсэ кылбурез лыдӟиськод но мынӥськод поэтлэн аспӧртэмлыко дуннеетӥз, учкиськод солэсь адӟемзэ, кылӥськод солэсь верамзэ. Тани вусиьком Кам шурлэн ӝужыт ярдуръёсаз, нош отын Пилемъёс инэз ӝокатӥллям, Шундылы укно кельтӥллямтэ. Мap карод на таӵе дыръя? Сюлэмын амалтэк вордӥсько нёжмыт гypъёc. Нош озьы но мылкыд уродмыны уг сётскы. Угось ӝожыт кырӟан ӝуын но адямилэн сюлэмыз «сутскыса, чылкытаса буйга» вылэм. Юн выжыос сярысь верамзэ автор озьы ик юнматэ няньлы но анданлы, Флор Васильевлы сӥзем кылбуръёсаз. Нырысетӥосыз валанъёс шудбурмес кырӟало, нош тодмо удмурт поэтлы но матысь эшезлы «котьку мынӥськод артэ» шуэ. Пыдло сюлэме пыро «Возь выл сяська…» кылбурысь чуръёс. Нырысь-валысь учконо| ке, темаез шара вераськымон но ӧвӧл кадь. Нош автор сыӵе лушкем маке борды но басьтӥськыны дӥсьтэм. Пичи пияшлэн атаез бадӟым ожын бырем со вордӥськемлэсь далай гинэ азьвылгес — «война бере кык пол кошкиз тудву». Возь выл сяська шуэмен автор эчешыны дась. Со жаля анаез, тодэ угось: «секыт ожысь ӧз берты ӧрӟиез». Нош улонлэн ӧрыз ӧз дугды ук. Oген кылем кышномурт пичи ке но шудзэ адӟыны малпаз ке, вань сьӧд буёлъёсты солы пумит кутыны уг яра, дыр. Куддыр нош аслэсьтым мон юасько: Соиз нош?.. Возь вылын пумиськемез! Ӧвӧл, солэн аслаз вань семьяез. Соиз сярысь ӧвӧл та вераськон! Автор аслэсьтыз лыдӟисьёссэ гожъямъёсысьтыз геройёсызлы матэ карон сярысь сюлмаське. Олокыӵе но мудрон кылъёсты пыртыны уг выры, огшоры но валамон кенешыны тырше. Тани одӥг пияшлы усто дышетскемез понна медаль сётӥллям. Со-а шумпотон уг вай анайлы, семьялы. Иськавынъёслэн но мылкыдзы лӧптэмын, бергатыса ик учко медалез. Нош гуртысь пересь нэнэлэн вить пиосыз будӥллям, одӥгез но лек ожысь бертымтэ. «Медаль кылле сандыкезлэн пыдсаз». Пиоссэ будэтэмез понна сётэм маке. Бен, наградаос инмысь уг усё. Озьы бере, соосын данъяськыны но сьӧлык уз лу. Медаль басьтэм пияшлэн но шудо анаез шумпотэмзэ уг ваты, шара вера: Чай лэзьяны… мон весь вунэтӥсько… Тӥ юэлэ на… Юэ… Эмезен… Син азе пуксьымон суред возьматэмын. Пичи гинэ учыръёс пыр но автор бадӟым ужпумъёс сярысь вераськон ӝутэ. Аэропортын, пе, самолётэ пересь лётчикез уг лэзё. Map луиз? Кыӵе ке но кулэтэм корт арбериез вань, шӧдске. Контроль пыртӥ озьы уд ортчы. Вань котырзэ возьматӥз ни воргорон, орденъёсыз гинэ но ӝӧк вылын ини. Приборъёс шӧдо вылэм сержантлэн мугораз лек ожын мертчем осколокъёсты-чалепъёсты. Тӥни кыӵе учыр но кылбурчиез бордаз кыскем. Асьмеос но соку отын вал кадь, со сержантэз адӟим, лэся. Автор оскытыны быгатэ. Нош кыӵе писателез бордазы уг кыскы меда инкуазь суредъёс? Прозаен-а, поэзиен-а герӟаськемын луэ ужез, со аслэсьтыз лыдӟисьсэ одно ик вуттылоз я нюлэскы, я шур дуре, мукет дыръя нош ӧтёз паськыт лудъёсы, жингыртӥсь возьёсы. Инкуазез яратэ Владимир Романов но. Бадӟымез но, пичиез но суред солы дуно. Юнме шорысь шат поэт шуэ: Нош котьку мыным кулэ, котьку Вырйылын оген сылӥсь писпу, Нюлэскысь поттӥсь кужен сюрес, Мур нюкысь пичи гинэ ошмес. Малы поэт аслыз эш каре огназ будӥсь писпуэз но пичи ошмесэз? Вань ук паськыт зарезьёс но куашетӥсь нюлэсъёс. Соос уг кельшо шат лирической геройлы? Озьы вераны уг луы, кылбурын меӵак шуэмын: «нюлэсэз мон туж яратӥсько», «мусоя монэ шуныт зарезь». Трос тодмоос, юлтошъёс пӧлын но вань, дыр, нимысьтыз висъямонэз, шуге-леке вуыку, сюрес возьматӥсез, юрттӥсез. Та кылбурез мынам мукет сямен валэктэме уг поты. Табере ойдолэ малпаськоме коргид сигысь ваёбыж кар, гомась горд шупу, берпуметӥ лымыгырлы, кос ваё кыз но шундыез инме жутӥсь пужым сярысь. Огшоры учкиськод ке, номыр бордаз кыскисез, сюлмаськытӥсез ӧвӧл кадь. Кылбурчи нош оломае но синйылтэ. Лыдӟисез со аслаз пинал дыръяз вуттэ. Калыклэн чакламезъя, пе, юртъер котырысь ваебыж карез исаны, тарканы уг яра. Секыт югдуре шедёд, коркаед сутскоз. Нош пияш янгышаны шедьтӥз, мар луоз табере? «Эн кошкелэ, ваёбыжъёс!» Пинал героезлэсь сыӵе сюлворемзэ поэт али дырозь вуттэ: Озьы ке но, Малы соку — Юнгес сутиськемысь-а? — Сюлэм пушкын уг кыс тылпу Али ке но уг кысы! Адямилэн кемалась ортчем аръёсыз, солэн пинал дырыз ноку вунонтэм кылё, вылды. Пумтэм дуноесь угось со вакытысь тодэ ваёнъёс – шудоосыз но, секытъёсыз но. Кызьы сое валано? Шудоезлы – шумпотӥд, секытсэ – чидад, вормид. Амалтэк шуод: Горд шу тылпуэз Зоръёслэн но уг лу кысэмзы. Инкуазь суредъёсты адямилэн улонэныз ӵошатыса но герӟаса, Владимир Романов калыклэн ӟеч сямъёсыз, йылолъёсыз сярысь сюлмаське. Соин ик автор кылэ берпуметӥ льгмыгырлылэн ӝож гурезлэсь быдэс дунне тыр шуккиськемзэ, музъемез но куре куасьмем кыз сямен векаса улонлэсь утьыны. Озьы бере, валамон ини, лирической геройлэн но шудо улэмез потэ. Ӝужыт но ыргон тус пужымез сямен, шунды но сое кема мед адӟоз. «Нош мар кулэ, шудо луон понна?..»— юа поэт. Кинлэн кыче валанэз, вылды. Шуд угось пичиез но, бадӟымез но луэ. Кудӥз-огез кема малпаськытэк шуоз: мар кулэ на, кӧтыд ке тыр, дӥсед ке вань, тазалыкед ке юн, нылпиосыд ке будо... Кылбурчи тае ва лэктыны мукет кылъёс утчам но шедьтэм. Лыдӟиськод но сюлэме ӟеч мылкыд пыре. Шудо луон понна, пе, «мед вордӥськоз вылез шулдыр нунал», «ӟеч емыштэм медаз луы нунал», «медаз дырты тём акшанэд тынад», «уйшор уе медад луы огнад». Книгаезлэсь юн выжыос сярысь люкетсэ йылпумъяса, автор вера быдӟым ӟуч поэтэз А. С. Пушкинэз мур гажамез, туж тодмо удмурт писателен Геннадий Красильниковен эшъяськемез, вуж дневникысь но ӵужектэм газетысь чуръёсты лыдӟемез сярысь. Кызьы уд вала, сыӵе адямиез му но золгес кутэ шуыса. Таин валче тодэ лыктӥз унябейлы сӥзем кылбурез. Со но, пе, адями сямен ӝыт но ӵук «синзэ каллен кыне яке паськыт усьтэ». Отӥяз нош кыӵе малпанэ лыдӟисьсэ нуэ поэт? Та ӵошатонэз пыр мар верамез потэм? Тямыс чуръем кылбурысь берло ньылез тазьы вазисько: Вень йыл быдӟа но со уг кышка яркытлэсь! Тыныд солэсь дышетсконо, дыр, адями: Угось оскытэкгес кыньыръяськом синмес. Яркыт ужъёс ке, яркыт мурт ке азямы! Кеськон пусъёс пуктылыса ик вера ӟырдам мылкыдзэ. «Вож куарлэн куараез». Владимир Романов сыӵе огъя ним сётэм сборникезлэн кыкетӥ люкетаз пыртэм кылбуръёсызлы. Чуръёс вискысь отын но татын ачиз автор но потылэ. Кепыратэк но вераны луоз, дыр: произведениысь лирической герой но поэт огазе вуо, одӥг адямилы пӧрмо кадь. Лыдӟиськод но, зэмзэ ик вож куарлэсь куаразэ кылэм выллем луоно. Сюлэмысь туж чылкыт мылкыдъёс, малпанъёс верамын кылбур чуръёсын. Умой шӧдӥське авторлэн лыдӟисезлы оскемез. Нош ог-огдэ валаса, ог-огедлы оскыса вераськон котьку дуно луэ. Озьы лэсьтыны бытато туж матысь эшъёс гинэ. Адямилы туж кулэ гажан, жалян мылкыд, мукетъёсты вӧсь карыны ӧвӧл дыртоно. Нош сыӵе ӟеч сямо луыны быгатод, чеберез умой-умой шӧдыкуд но валакуд. Тӧдьы кечсин шуныт учкоз – Тӥ амалтэк пальпотоды. Эн тӥялэ! – мед вешалоз Толэз вормем сюлэмъёсты. Трос люкасько та улон-вылонамы сюлэмшугъяськытӥсь, мур малпаськытӥсь ужпумъёс. Тани кӧня вераськиськом, музъем зэмос кузётэк кыле шуыса. Нош со асьмелэн сюдӥсь-вордӥсьмы ук. Сюлэм бӧрдэ, бырись пичи гуртъёс шоры учкыса. Кин юрттоз соосты выльысь улӟытыны? Кесям борддоръёсты адӟыса, аналтэм садэз жаляса, кылбурчи вера ини татӥ ӵуказе бульдозерлэн ортчемез сярысь. Улэп кылем льӧмпу но, озьыен, выдоз секыт пурт улэ. Нылпитэк кылем анай выллем, курыт синвуосын пыласькоз аналтэм музъем. Сыӵе суредлэсь кышкаса, автор лыдӟисьсэ, озьы бере, аслэсьтыз геройзэ но, выль сад мерттыны ӧтe. Шуге-леке шедемъёслы эш мылкыдын учкем, вазем но усто эмъюмлэсь кужмогес луылэ. Дыраз мычем ки но уродэ шедемлэсь утьыны юрттэ. Нош пичиос ке ӝоже усемын? Мурт синмын, лек синмын соос шоры учкыны яра шат? «Детдомын» кылбураз Владимир Романов вера анай-атайтэк будэм пиналъёс сярысь. Лыдӟиськод сое но, жалян мылкыд кылдэ. Ас азяз сыӵе ужпум ик пуктӥз, луоз, кылбурчи, «Сизьымдон шуръёс сьӧрысь» но вуылыны куре со асьмеды. Нош йылпумъяса автор сюлворыса кадь шуэ: Но курисько: эн юалэ Анай-атайёссы сярысь, Мултэс кылъёстэк гинэ ӝикытак но валамон верамын. Та кылбурез лыдӟемды бере бугырскем мылкыд буйгатскыса уг вуы на, пум-иськоно «Выжез тудву нуэм» чуръёсын. Сюэмез ик вырӟыто отын верамъёс, мур-мур малпаськыто но. Огшоры чуръес ӧвӧл со. Ачиз автор гадьысьтыз аслэсьтыз сюлэмзэ поттэ но лыдӟисьёсызлы возьматэ: тани кыӵе со — учке. Валаськоды-а, выж усто вылэм. Уно аръёс ӵоже кык ярдуръёсты герӟаса улэм. Кызьы табере уз бӧрды сюлэм, кызьы уз мӧзме ярдуръёс. Бугыръяськись тудву кесям выжзэс. Яръёс огъя выжзэс Ӧз тодэ утьыны, Нош кудӥз янгышгес - Бергес ни тунаны, Одӥг вакчи уйскын Выжез тудву тарказ. Кык ярдуръёс куспын Лэйка пичи лодка. Удмурт кылмылы матэгес, шунытгес карон понна, берло чурзэ али ик «пичи пыжзы лэйка» карысал. Макем малпаськытэ та кылбур. Син азе пуктӥськод кык ярдуръёс куспын огназ лэйкась пичи пыжез. Кызьы уд вала-— адями ук со. Кык ярдуръёслэн, пиосмуртлэн но кышномуртлэн, пизы. Бугыръяськись тудву — секыт учыр, югдур быдтэм, нуэм выжез — кусыпъёссэс. Сыӵе бадӟым тема бы-дэсак верамын, сэрттэмын - п ертчемын, шуыны луоз, пичи гинэ кылбурын. Отын шӧдӥське но адӟиське зэмос поэзилэн кужымез. «Детдомын» но «Выжез тудву нуэм» кылбуръёс вискын эшшо ньылез вань на. Одӥгез бордысь мукетыз дорозь автор соос пыр лыдӟисьёссэ дасяса, визьнодаса нуэ. А то, малпа кадь, мултэс паймыны шедьтозы. «Нылга ныл» кылбураз суре дано адямизэ «мугорын тон — веськрес кызьпу» шуэ но пумаз дэмла: Одӥгнад эн сыл гурезь бамын — Сёт бадяр-батыр пилы кидэ. Асьмелэн шудо шаерамы Тон но шедьты аслэсьтыд шуддэ. Уть ма сярысь кырӟа кылбурчи. Ӵуж мертчан йырсиё, чагыр синмо, жильыртӥсь ошмес куараё нылмуртлы синмаськытэ, Нош мукет бамаз — таиз бере ик — вера ини кезьыт тол шор сярысь. Ӵошен лёгем сюрес но, пе, лымы улэ кылёз. Кы-лбур чуръёсаз чебер йӧ сяськаосты пыртыса, автор соосты тодэ ваёнъёсын ӵошатэ. Нош мар луоз, бордазы йӧтскид ке? Усёзы, васькозы «кынмись синкылиен...» Кннгаезлэн вуоно бамаз поэт шуэ ини: « Я мар тыныд мынам яратонэ» но гожтэ сюанъёс сярысь. Тӥни собере гинэ тодматэ кык ярдуръёс куспын лэйкась пичи пыжен. Адямиослэн кусыпъёссы -— со сяськаясь возь выл но куашетӥсь нюлэс, жильыртӥсь ошмес но тулкымъяськись зарезь, верамтэ выжыкыл но уретэм кырӟан... Кӧня отын валантэмез, тодмотэмез. Со сярысь ик верало кылбурчилэн чуръёсыз, озьы чузъяське, вылды, «вож куарлэн куараез» но. Адямилы шудз витьыны бер уз луы, со понна вуюись ултӥ ӵошен» ортчоно. «Югыт кутскем сюресэз» утьыны сюлмаськоно, медаз пӧя нырысетӥ тӧдьы лымы. Уд но шоды, кусыпъёсын зӧк йӧ но кылдоз. Кыче бадӟымесь но муресь мылкыдъёс пачылмыто чуръёсты но: «Ноку но уг лыкты ни Эн витьы ни», — шуоз но, Одӥг пол лыктоз ыштэм яратонэд. Кылбурчи быгатэм га героезлэи сюлэм пушказ ик учкыны, сотэк ӧй быгатысал мур психологической суредэз син азе пуктымон возьматыны. Малпанъёслэн, мылкыдъёслэн лушкем бугыръяськемзы, нюръяськемзы, курадӟемзы мултэс мудронъяськонтэк, со понна юн оскымон верамын. Сборникезлэсь та люкетеэ йылпумъяса Владимир Романов лирической героезлэсь сюлэм висёнъёссэ палэнэ саюлэ кельтэ, ӝожмыт тусбуйзэ, куректӥсь синъёссэ пальпоттытэ. Со шуэ кадь: я, тырмиз, трос секытсэ чидаськиз, лулӟылыса улыны тырмоз. Котырын улон мӧзмыт но пилемо гинэ ӧвӧл ук, кӧня отын сайкытэз, чеберез, жингыртӥсез. Ӵапак сыӵе чуръёсын пачылмемын «Нош ик ветлоно вал Салихе» кылбур. Сoе лыдӟем бере, сюлэмын капчи луэ. Кылбурчи сьӧры ачид но мынӥськод кадь кытчы ке кыдёке, тодмотэм гуртэ, мыло-кыдо, усто эшъёс доры. Луо ук сыӵе бурдо кылбуръёс, лӧпкыто, ӝуто, кырӟато, серекъято. Ой, кыӵе матын ымдуръёсыз, Ой, кыӵе кескич шорам учке!.. Отӥзэ уд вepa кылъёсын... Нош ветлоно вал Салихе! «Шудбур кизилиос музъем вылын вордско» — поэмаысьтыз таӵе чуръёсын нимамын «Йырберыктон турын» книгалэн куинетӥ люкетэз. Поэт отын чылкак кыӵе ке выль удысэ уг кожы, азьвыл мытэм темазэ азинтэ. Со малпаське, шара вераське адямлэн пичи но бадӟым шудэз-бурез сярысь. Угось нырысетӥезтэк уг луы кыкетӥез. Myкет сямен вераса, улонын аслэсьтыд 6адӟым шуддэ шедьтон понна пичизэ но утьыны кулэ. Сюлэмын ӝуатскем тылгизьыослы кысыны муг ӧвӧл сётоно. Татын адямилэн самой матысь но оскымон эшез котьку вал али но луэ уж. Та ласянь пусйыны кулэ «Бусы дурын соин пумиськимы…» кылбурез. Владимир Романов одӥг радэ пуктэ музъем ужасьлэсь но писательлэсь тыршемзэс Тамак кадь аралоз вераськонмы, Огмес огмы усто ми валалом. Эшен кыкмы и к гожъяськиськомы, Таза емыщ кыкмы ик витиськом. Сборниклэн куинетӥ люкетысьтыз тросэз чуръёс сӥземын пӧртэм будосъёслы, сяськаослы. Но котькудаз отын улэп инкуазен артэ возьматэмын адями. «Тӧдьыбурдъёс», «Сюлэмысь сирпу», «Кактус» чебер кылъёс понна гинэ гожтымтэ. Из городысь из юрт азьын будӥсь сяськаос ужась муртлэсь ӟеч сямзэ суреданы юртто. Нош котьку медло со азьын Возьлэн оглюкетэз ке но.., Нимысьтыз пусйымон луэ «Сяськаез чагыр» кылбур. Огщоры но ӝикыт гожтэмын со. Оло нош асьме пӧлын вань дуринчитурынэз тодӥсьтэмъёс но. Кылбурчнлэсь чуръёссэ лыдӟыса, сюресъёс дурын будӥсь сяська шоры мукет синмын учкыны кутскоды. Инбам пыры тусъем маке питранъёс улын но будыны кужым шедьтэ. Зэмзэ но, паймод ук. Сыӵе азьын будыса но та сяська дуринчиосты, майсыосты, мушъёсты чечыен секта. Амалтэк огшоры, востэм адямиос сярысь малпаны кутсконо. Владимир Романов кылбурысьтыз кылбураз вера но оскытэ, музъем вылын шудбур кизилиосты кенжытон понна, пичизэ но, бадӟымзэ но ужез сюлмысь быдэсъяны кулэ шуыса. Кикыез гинэ но кӧня ар сӥзёд на юаса, адямилы тазьы сильытэ: кӧня ужаськод — сомында улӥськод. Нош «сизьым пол, вылды, пызьыртымон пӧсяса сучырмемын дэрем» кылъёсын вазиськыса, нюлам ву куасьмем бервылэ пуртэн куръямон пуксем сылал пумысен гожтэ: дэреммы вылысь сылалъёстэк, дуннеын уз луы улыны! Ныж тӥрен дыртыса гинэ лусъемын кӧсэсь, чурытэсь кылъёс, озьы ке но, мур пуштросъемесь. Уж ке ӧз луы, улон но кысоз. Соин ик, индылэ кылбурчи, котькуд адями та паськыт дуннеямы аслэсьтыз интызэ шедьтыны, тодыны кулэ, Вож нюлэсьёс, тодьы Кам, ӵуж бусы — Ваньзэс калык яратэ. Та шудбуро-крезьгуро улосын Мон но медам лу мултэс «Шудбур кизилиос» поэма но аспӧртэмлыко луэ. Кинэ но мае отын суреда поэт? Та произведенилэн геройёсыз — космонавтъёс, электросварщик, комбайнёр, бадӟым ожысь ветеран, пичи нылаш-октябрёнок. Ваньзы соос ӝуато кизилиосты яке асьсэлэн но гадьёсазы пишто кизилиос. Кыӵе ке адӟиськымон сюжет авторлы кулэ луымтэ, со гожтэм поэма-малпаськон. Озьы пӧрмытэ кылбур чуръёсын публицистика. Map бен, туала поэзилы со но кулэ. Б. В. Маяковскийлэн «Хорошо!» поэмаез ваньместы ас бордаз юн-юн кыске ук. Отысь чуръёс, кӧня улӥськомы ини, пичи но уг вужмо, яркыт но жингыртӥсь кужымзэс уг ышто. Зэм, Владимир Романов сюлэмъёсты кенжытӥсь чуръёс поэмаяз ӧвӧлгес шедьтэм кадь, но тыршемезлэн емышез шӧдӥське. Котькудмес со оскытыны сюлмаське, асьмелэнэз но кизилимы ӝуатскоз шуыса. Соин ӵош ик Уг лу со асьмелэн гинэ – Со кинэ ке но бурдьялоз, Кызьы бурдъяз тонэ, монэ, Со Муртъёслы но шуд ваёз Адӟымтэ ньӧм улсын палэнэ кельтыны умой уз луы, дыр, «Йырберыктон турын» кылбурез. Солэн нимыз быдэс сборниклы но сётэмын. Владимир Романовлэн лирической героез татын но аслаз яратонэзлы, шудэзлы оскемзэ вера. Ӵапак со мылкыд пыӵамын копаказ книгае. Сыӵе оскон лыдӟисез шум-лоттытэ, кылбур чуръёсты шунтэ. Нош поэтлэн суредам йырберыктон турынэз Нылга шур дурын ик будэ, вылды. Кытын мукет интыосын со ӝужалоз на, героезлэн яратонэз но та палъёсын улэ бере. «Йырберыктон турын» книга сярысь гожтыса, мынам сое лыдӟисьёслы матэгес кареме потӥз. Угось куддыр кылбур чуръёс вылтӥ синъёсынымы ӝогак ортчиськом но палэнэ понӥськом. Поэтэн чош малпаськыны, сюлэмшугъяськыны, куректыны но шумпотыны оло кепыраськом, оло мылкыдмы уг тырмы. «Ӧмгес валалэ» шуисьёсыз но шедьыло, пумиськыло на. Нош валан понна визьмез, сюлэмез ужатоно. Мон уг малпаськы Владимир Романовлэсь вань гожъямъёссэ ушъяны. Эшелэн кылбуръёсыз сярысь малпанъёсме гинэ верай. Удмурт поэзиын та туж тодмо адями. Удалтымтэ чуръёсыз вордскыло ке но, ачиз но шӧдытэк уг кыльы, луоз. Бен, гожъяськон ужын но удалтымтэ учыръёс пумиськыло. Мукетыз сярысь вераме потэ на. Одӥг пол шедьтэм умой амалэз ӵем кутылыны кулэ вылымтэ. Куддыр со туж тупа кадь, нош вылысьтыз вылаз поттылӥськод ке, кылбуръёслэн пуштроссы лябомыны кутске. Йыре малпан пыре: ма бен та выллемез вал ни. Владимир Романовлэн сыӵе амалэз — одӥг кылэз бӧрсьысь трос пол веран. Кӧнязэ ке гинэ тодады вайисько: «бызе ни со, бызе ни доразы», «пегӟе ни со, пегӟе ни ми пӧлысь» «тани вуоз ни, тани вуоз», «нош со ватса, ватса на шыпытгес», «нош зуммер уггетэ но уггетэ», «утча, утча», «шур кадь, шур кадь» «лыкто, лыкто, лыкто, лыкто», «вырӟе, вырӟе, вырӟе» но трос мукетъёсыз. Тани мар но син шоры йӧтэ. Кылбуръёсын ӵем пумиськыло одӥг слогъем кылъёс. Меӵак верано ке, мугез одӥг — ритмика медаз сураськы, «пась кылись интыез ӵоктано». Нош лыдӟись шӧдэ сое, кылбурлэн пуштросэзъя кулэтэм мае ке. Ӟеч лэсьтэм ужез ушъяса, азьланяз эшшо но устогес пӧрмытыны мылкыд каро. Улонын ялан вылез кылдэ. Валамон ини, вылез азьвылэзлэсь трослы умоя. Владимир Романов буйгатскыса уг улы, выль кылбуръёс гожъя. |
© irinaewdo |