Н. НИКИФОРОВ.
Бураши гурт. Кировской областьысь Кильмезь район.
Нош сюлэм уг оскы...
Сюлэм нокызьы но оскыны уг быгаты та бадӟым ыштонлы. Газет бамын кӧня ке гинэ чур: «...малпамтэ шорысь кулӥз усто удмурт кылбурчи Владимир Васильевич Романов…» Нош Владимир Васильевич таӵе ик син азям. Тани-тани шунды сямен пальышаса вазёз: «Ӟечбур, земляке!»Нырысьсэ Романовен пумиськи Шор-Кушкет школаын (Балтаси район, Татария) дышетскыкум. Кыче паймымон лыдӟиз со соку аслэсьтыз кылбуръёссэ. Артист но тӥни! Пумиськон бере кылбуръёсме эскериз, визь-кенешъёс сётӥз. Но мон малы ке кылбуръёс борды зол-зол ӧй кутскы.
Службае бере выль ыстэм кылбуръёсы нош ик та кылбурчилэн ки улазы шедиллям. Бурдъяз со монэ: «Тыршы, пӧрмоз!». Котькуд гожтэтаз сямен ӵектылӥз: «Узырмыты удмурт кылдэ. Книга кутыса, чебересь, яркытэсь, тодмотэм кылъёсты пусйылы, собере соосты ас ужад кутыны тыршы».
Владимир Васильевич кулэ дыръяз, агай сямен ик, чурыт кылзэ но меӵак вералляны ӧз курдалля.
Огпол писательёелэи Союзазы, книга ӝажыын бугыръяськыса сылыкум, Романов пыриз:
– Ӟечбур, земляке! - пельпумам кизэ понӥз со. – Ойдо ветлом книгаен вузкарон «Инвис» магазинэ.
Шумпотӥ мон. Ми сьӧры ик мыныны соглаш кариськиз мукетыз земляке, Владислав Кириллов.
– Эх, — малпасько ас поннам, — ульчае потоды но ӟуч кариськоды ни ук, мискиньёс.
Малпанэ ӧз зэма. Тып-тып удмурт сямен вераськыса вамышъяськом Иж ураметӥ.
— Вань вылэм ай, вань возьдаськисьтэмъёс, — ас поннам пальпотӥ мон. – Таосыз... но возьдаськыны кутскизы ке удмурт кылмылэсь, пӧзёз на меда анай кылын жильтыртӥсь кыл ошмес?
Трос книгаос чектӥз со мыным басьтыны. Собере книгд ӝажыысь синйылтӥз одӥг тодмо кылбурчимылэсь книгаоссэ. Ас понназ пальыщаса, кӧнязэ ке кияз басьтӥз но «Берпуметӥ экземпляр» гожтэм витрина улэ поныса кельтӥз. Мылкыдыз укыр шулдыр вал, кылбурчлэн киигаез мед вузаськоз, шуиз-а, мукет-а?
Дӥсьтӥ мон солы лыдӟыны аслыз сӥзьыса гожтэм «Серметало огпол валме» кылбурме. Пальпотӥз:
–Вот, земляке, аслад кылбурад мынэсьтым выросме но, сямме но возьматыны быгатэмед ни. Собере та кылбурме кияз кельтӥз.
Тӧдьы, чылкыт лнстэз арам карон дыръям,
Пегас валлэн тыбыр вылаз сузьтӥськыкум
Тон синйылтӥд монэ, юрттэт кидэ сётӥд–
Пумтэм ушъяд, визь-кенешъёс сётӥд.
Берло валай, озьы бурдъяд!
Кулэ вылэм бурдъёс улон дыръя!
Малпаськисько соос сярысь гожъяськыкум,
Улон сюрес вылам кӧня ини ачид,
Бурдме но сӧсыръяд. Нош сюлэмме эмъяд:
Воргоронэ, секытлы эн сётскы улонад!
Ӵабъяськисько Пегас валлэн вылаз,
Тон учкиськод маке малпаськыса.
Вожпотэмен куто, сермет поно йыраз,
Валлэн вылаз пуксё, тонэ паймытыса.
Трос пол пумиськылӥ мон кылбурчиен. Трос кылбуръёсме эскерылӥз, рукописьёсылы рецензиос гожъяз. Берлозэ малпанъёссэ («Шудо ныпъет» нимо статья) печатлаз 2-тӥ сентябре «Советской Удмуртия» газетын. Нош 4 нунал ортчыса... сюлэмыз йыгаськемысь дугдэм. Лыдӟытэк кылиз со мынэсьтым эшлыко мылкыдын гожтэм чуръёсме:
Кылбурчи покчи гужем
Иж тыын уя пыжен.
Тэк уг пукы, гожъяське.
Ваньмон дыръяз пужъяське.
Кырӟало пужыосыз,
Люкасько кылбуръёсыз.
Ёркытгес, лэся, Ижын,
Печатлаське Москваын,
Шат юрттэ отын
Йырберыктон турын?
Кылбурчи котьку пӧламы улоз. Солэн жингырес чуръёсыз асьме сюлэмъёсы пыӵамын угось.
Умой-а, земляке!
Ӵашъем, шуо, Ижын.
Лек ӧрекчан-а? Зэм яке:
Кырӟась уӵы шедем, пе, бырыны?
Уг оскы нош сюлэм,
Ӝож куараен бӧрдэ.
Лек адӟонэз, вылэм,
Покчи гужем вордэ.
Сӥзьыл, мӧзмыт садын,
Бурдо ӝожен кырӟа.
Синлыс бурдъёс вылын
Уг усь, синву кугӟам.
Умой-а, земляке!
Лек ӧрекчан-а? Зэм яке:
Ӵашъем, шуо, Ижын…